عید محمد عیدآس آپ ءَ رسینتگ نہ حاک ءِ سر ءَ
دل نبشتہ کتگ چم تاک ءِ سر ءَ
رسم ءُ دودانی زلفاں گوں پیڑاتگے
مہر ہلوت نہ بیت گپ ءُ جاک ءِ سر ءَ
روچ ءِ دردیں انارکانی زیبائی ءَ
شعر پر بستگ آ جلوہ ناک ءِ سر ءَ
کم نگاہی جہان ءِ پریشان کنت
کاروبارے کنیں بیا تپاک ءِ سر ءَ
عشق باپار کت مہر ءِ سوداگراں
زہر وارتگ دل ءَ ہر گراک ءِ سر ءَ
گوں غریبی ءِ شان ءَ دراں ڈیھ اتیں
ما گُزارہ کتگ ماش ءُ ماک ءِ سر ءَ
ہر وڑاں پہ وڑے زندگانی گوٛزیت
مارا سِتک اِنت عیدؔ ذاتء پاک ءِ سر ءَ