شرف شادترس ءُ بیم ءَ گاریں سیزر ، چہ وتی دوستانی خنجراں ٹپی ، بُتی ءِ پادانی نزیک ءَ رسگ ءِ جُہد ءَ ات۔زحمانی ساہگ ءُ خنجرانی بُرّوکیں زہانی نیامءَ آئیءَ چو زہگءَ دوستیں بروٹس دیست گُڈا وتی ساہءِ رکّینگءِ بدلءَ ، آئیءِ دپءَ دراتک :
’’ منی زہگ …… تو ہم ۔‘‘شیکسپئر ءُ کویدو ہمے دلبُرّیں چیہالءَ گیگان کن انت۔
بحت … ہمگرنچی ، بدل ءُ واتر بوہگءِ دومی نام اِنت۔ نوزدہمی قرنءِ گُڈ سرا بیونس آئرسءِ زربارءَ یک گاؤچویءِ سرا دومی گاؤچے اُرش کن اَنت، آ ٹپی ئیں جاورءَ جہل کپان نیک راہی زہگے پجاہ کاریت ، آئیءَ مراگہءِ نیمگا تیلانک دیان گوں حیرانیءَ گشیت۔ (اے لبزانی وانگ اژدری نہ انت ، بس گوشدارگی اِنت) بلے …
بلے آ جنئگ بوت ۔ آئیءَ ہچبر زانت نہ کُت کہ آئیءَ بس ندارگے پدا پیش دارگءِ ہاترا جنئگ بوتگ ات۔
(بورخیس ءِ آزمانک ءِ بلوچی بدل )