مبارک قاضیہرچی کہ پمّا شات ترا بیت بُگش بُگش
ہر زاہ ءُ بد کہ یات ترا بیت بگش بگش
جی جی پہ تئی گُلیں دپءِپُلّیں رسالتاں
تا زندگ ئے”حیات”ترا بیت بُگش بُگش
من پاک ءُ پارسائی ءِ دعویٰ کدی کتگ
بےعیب ئے!رنگءُذات ترابیت بُگش بُگش
سقراطءَ زہرءِ پیالہ ہَمُک دَؤرءَنوش اِتگ
اے کسّہ بلکیں یات ترا بیت بگش بگش
کئی دست داں سروشکاں وتی براتءِحونی اَنت
اے”زانت”چہ من زیات ترابیت بُگش بُگش
قاضی!حبر پہ زاہءُبد ءَ بئیت سر بہ بیت
مِنّت شمال ءِ گوات ترا بیت بُگش بُگش