دل وتا مُفت ءَ مہ رنجین ءُ مکن گِلّہ ءُ زنگ
دنیا مکّاریں جنینے داب کنت ہر رو پہ رنگ
پہ منا گنج اِنت ہمے یکیں حبر کہ زندگاں
من دلءِ بار ءَ بہ توراں نیست چُشیں شاہیم ءُ سَنگ
’ شمبہ ‘ ءُ ’ شانزدہ ‘ مہ سینگاریت وتا راج ءِ جنک
حمل ءَ دزگیر کن اَنت بلکیں زِر ءِ چَمّ ءَ فرنگ
من ہما اِنت کہ ترا دیستگ گوں نرمیں گِلّہاں
تاں ہما روچ ءَ گوٛشئے عقل ءُ دلءِ برجاہ اِنت جنگ
تو ہمے رنگ ءَ وتی ٹہلانی کیفاں گیش کن
تنکہ تاہیرے دل ءَ جاگہ بہ دنتیں تئی ملنگ
گوں دلءِ حوناں بہ سبزات اِنت عشقءِ مچکدگ
مہر ءِ ہامین ءَ بہ کنت آباد منی دَزکِشتیں گوٛنگ
آکہ ممتاز چہ زہیر ءِ سیمسراں سربوتگ ات
جنّت ءِ لزت نہ بیتیں آ غم ءِ پار سَنگ ءُ سَنگ