مبارک قاضیبام نازینک جنت رژن بانور بیت شپ کدی روچ بیت
اے تھاری کدی زند ءَ درگور بیت شپ کدی روچ بیت
ما ھما ساھت ءِ مُژدہ واریں کہ بئیت سھب ءِ ماھیں پری
چمّ پہ چم ءَ کپیت دل گوں دل ھور بیت شپ کدی روچ بیت
پہ تئی وشّانکی ءَ وھدے سھب ءِ سرا بام کہ برمش دنت
ھر گور ءَ ھکل ءُ ڈاہ بیت شور بیت شپ کدی روچ بیت
باریں کد جاہ جنت اے “ازل نستگیں دیدگانی نسیب”
داں کدیں زندگی لُنج ءُ تامور بیت شپ کدی روچ بیت
بیگہ ءَ ماہ ءِ غم تھنا کریاب کنت ایوکیں بنی آدم ءَ
من کہ جیڑاں دل ءَ دل منی دور بیت شپ کدی روچ بیت
کازی روچے پد ءَ کیت باریں کدی دوست سوبین بنت
مھر ءِ دژمن کدی دیدگاں کور بیت شپ کدی روچ بیت