مبارک قاضیھِچ دِگَہ مال ءُ متاہ سر پہ سَر ءَ زُرت نہ کُت
یکّیں تئی ترانگ ءِ ترانگ چہ دِل ءَ بُرت نہ کُت
ھو بِگندے منی شپ گوں تو بہ گوستین اَنت پہ تب
کسہ ءِ آرگ ءِ راھبند کہ من دربُرت نہ کُت
چیر ءُ سر بوتگ آں دائم گوں وت ءَ چے بہ کناں
من گوں امروز ءَ وت ءَ زیر ءُ زبر کُرت نہ کُت
لنش ءُ لیگار منی ھوڈ ءُ لپلگاریں دل اَت
من دوا اے دل ءِ ریٹائی ءِ گوں کُرت نہ کُت
کے منا دروہ ایت ءُ کے پشت کپ ایت راست ءُ رداں
تئی وپاھانی گُناھگار ءَ چُشین چُرت نہ کت
کازی من سُتکگ ءُ پُر بُوتگ آں دَردانی چر ءَ
سدبر ءَ مُرتگ آں بے موت ءَ بلے مُرت نہ کُت