گِیشّ ءُ گیوّار مکن کوْھنیں ھسابانی پد ءَ
چیر ترّین ئے وت ءَ پرچے ءَ بابانی پد ءَ
پُرمَکیں زرد ءَ ، تئی تنگھیں دروشم سوتکگ
نوں نہ کرزئے ببئے درور دُر اِبابانی پد ءَ
گرمیں امبازے ءَ ، اوستیگ اَنت چکن جُتکانی
سارت ءُ ھونکّیں جبین تلوس اَنت کابانی پد ءَ
کدی جُتکار بنت ایرجیگ پہ تو بندانی
ندر باتاں کدی ھون ریٹہ اَنت ٹابانی پد ءَ
زگریں باھندے پد ءَ واھگ ءَ اوماں کُرتگ
کہ جھان سربتگ اِنت تیل ءُ تنابانی پد ءَ
واھگ ءِ پکّگیں پاھار اَنت ماں گُپتاراں نوان
آسیں گالانی پد ءَ ، انگریں آبانی پد ءَ
لچہ کاری تئی گالاں چہ ، نمیران اِنت سید
پُلّیں دُرگال کن اَنت کْرام ، تئی دابانی پد ءَ