علی جان دادشوانگیں دل گوں جگرسوچیں نَلءَ
سُهب ءُ بیگاه جنت ڈئیکو جنگلءَ
مئے هیال ءِ کبگ سرگردان اتاں
ماه ءِ کُلیں داب تئی گیگان اتاں
دُور سر کشّان شینکانی تلءَ
اِے پکیری ءَ کلندر بُوّگ ءَ
زیارتے لازم نه اِنت سر بُوّگ ءَ
راه دوست اَنت رهگوز ءَ بےمنزلءَ
سَگّ لُک اِنت چه کِساسءَ داں گمءِ
کسه یکّین اِنت سواس ءُ مردم ءِ
یکّے پاداں جنت ءُ یکّے جنت دلءَ
زندگی سَر رِتکّگیں پیمانهے
چے دریگ ءَ پُشت مُردگ خانهے
کئے بگندیت چے بباتگ هاسل ءَ
هئو ماں پیژگاه ءَ اگاں واتر نبئے
آهگ ءِ هالءَ مدئے داں سَر نبئے
چو مبیت مئے دل بترکّیت چه گَلءَ
تیر انچو ماں کمان ءَ ایر اتاں
ما گوں شیدائیں دلءَ دزگیر اتاں
گندئے بچکندگ بزانتیں قاتل ءَ
ساچ ءُ نوداں جیڑتگ اِشته شُته
آ رَمّگ مات کوهےءِ پُشت ءَ شُته
تُنّ ٹَلاّتگ بهار ءَ چاگل ءَ
زند ءِ نام ءَ ملکموت ءَ بَڈّ اِتگ
داد چو کوڑاچهے ءَ لَڈّ اِتگ
چنچو اِشتاپی کُته بے تهمبلءَ