تئی شہر ءِ درہیں مردم
منءَ گند انت ءُ بچکند انت
کلاگ بند انت
گوشنت کہ چار گنوکءَ را
ہمک سہت ءُ ہمک وھدءَ
بس نشتہ شعر نبشتہ کنت
تئی شہرءِ دراہیں مردم
منءَ گند انت ءُ بچکند انت
کلاگ بند انت
گنوکیءِ دئینت نام ءَ
مدام چار انت ءُ پلگار انت
منی دامنءِ پولنگاں
بلے۔۔۔
وتی رد کاریاں کور انت
وتی بد کاریاں کور انت
وتی حونواریاں کور انت
وتی گداریاں کور انت
پہ نان ءِ چنڈیءَ مرگ انت
بلے انگت
آ گوشت ءُ گلہاں لوٹ انت
دپ اش پِر نیست زبان لوـٹاں
سر اش پِر نیست کلاہ لوٹ انت
بلئے ۔۔۔
کئے سرپد اش کنت
تئی شہرءِ دراہیں مردم
منءَ گند انت ءُ بچکند انت
کلاگ بند انت