رژنءُ مہلب منی چمانی دو روک
داہما جوڈءُ سلامت باتئے
مں کجام روچءِ کجام ساھتءِ گپءَ بکناں
تو ھماہیں کہ چیدا رپتگے چمانی چراگ
ماھ ھمک شپ وتی تہنائیءَ کسہ کاریت
بیگاہ روچ اے دیولاں تئ عکسءَ کشیت
مئے مُلوری اوں ھمیشیں کہ منا
جاک دنیا ءِ تئی گنگیءِ یاتءَ گیجیت
اے اوں دورگے کہ منا بے ترا زھیر نہ کنت
اِمبری داب اجب رنگاں زمستانی شپءِ
باگواہ درپش نداں مُرگ چہ درنگءَ نیاں
بیگاہاں شہرءِ دُرھیں دمکءُ ابیتکاں راھسر
پُلاں مانپوشتءَ سرا گردویں شالے تہنا
گوات پیشگاہے سرءِ کپتگیں تاکاں نیلیت
آس چہرگ منی لبزانی کتار
ھئو مں تہنا بلئے تہنائیءِ زنگءَ نہ جناں
ما ودارءَتئی نیمونے دمانے نہ کناں
تو اوں زانے کہ نہ بیت وھد پہ کسءَ مھتل
تئی ہما نیمسریں دوستواہ کہ پہ نامءَ زندگ
بے ملامءَ اوں ملامت باتئے
داہما جوڈءُ سلامت باتئے…